ఖండిస్తున్నాం

ఈ మధ్య ప్రతి సెలెబ్రిటీ వాడేస్తున్న పదం ఇది.   నలుగురు కలిసి ఒక స్త్రీ ని దారుణంగా మానభంగం చేసి, రక రకాలుగా హింసకి గురి చేసి చంపేస్తే ...  ఈ రాజకీయ నాయకులు, ఈ చట్టం చేసే పని... ఖండించడం .... ఐదేళ్ళ బాలిక ని జాలి లేకుండా మగాడు మృగాడు లా మారి నలిపేస్తే వీరు చేసే పని ఖండించడం ... విచారం వ్యక్తం చేయడం ... దిగ్భ్రాంతి వ్యక్తం చేయడం ... కఠిన చర్యలు తీసుకుంటామని ప్రకటించడం ... విద్యార్థులు కొవ్వుత్తులు పట్టుకుని ర్యాలీలు నిర్వహించడం , ఒక టెంట్ వేసేసి రెండు రోజులు రిలే నిరాహార దీక్ష చేసేయడం ... ప్రతిపక్షాలు ప్రస్తుత ప్రభుత్వ పాలనలో శాంతి భద్రతలు కరువయ్యాయని , అదే తమ ప్రభుత్వమైతే , న్యాయం జరిగేలా చేయగలదు కాబట్టి, ఉన్న ప్రభుత్వాన్ని దించేసి, తమని ఎంనుకోమని, ఇవన్నీ తమ మేనిఫెస్టో లో ఉన్నాయని ప్రకటించడం ....

నాలుగు రోజులు పోతే మళ్ళీ మాములె...

ఎక్కడో జన సమ్మర్థమున్న ప్రాంతాల్లో బాంబులు పేలతాయి ... చిన్న, చితక, ముసలీ ముతక గొప్ప, పేద, హిందూ, ముస్లిం, క్రిస్టియన్, ఆడ, మగా, తేడా లేకుండా గుంపుల్లో జనాలు పొతారు... అప్పుడూ అంతే ...  ఖండించడం, ఖండించడం .... ఐదేళ్ళ బాలిక ని జాలి లేకుండా మగాడు మృగాడు లా మారి నలిపేస్తే వీరు చేసే పని ఖండించడం ... విచారం వ్యక్తం చేయడం ... దిగ్భ్రాంతి వ్యక్తం చేయడం ... కఠిన చర్యలు తీసుకుంటామని ప్రకటించడం ... విద్యార్థులు కొవ్వుత్తులు పట్టుకుని .... ..... (పైన ఉన్నది కాపీ .... కిందేమో పేస్ట్ చెయడమే ). విచక్షణా రహితంగా మనుషుల ప్రాణాలను బలి తీసుకొన్న వాడిని, ఉరి తీయడానికి సంవత్సరాలు పట్టింది ... కానీ, దానికి ప్రతీకారంగా మరికొంత మంది ప్రాణాలు తీయడానికి వాళ్ళు తీసుకున్న సమయం కేవలం కొన్ని రొజులు...

ఇటువంటి సంఘటనలను కేవలం .... ఖండించడం ... వగైరాల తోనే సరి పెడతారా ...

అయినా ఈ ఖండించడం ఏదో ... ఆ నేరం చేసిన వాడి ... శరీరం లో ఏదో ఒక పార్ట్ ను చెస్తె... మరోసారి ఇటువంటి వార్తలు చదవాల్సిన అవసరం ఉండదు ...

లేదా ఈ మానవ మృగాల్ని ... సారీ ... మృగాలు మరీ మనుషులంత ప్రమాద కరమైనవి కాదు కదా  ... అందుకే ఇటువంటి మగానుభావుల్ని జనాల మధ్య వదిలి పెట్టండి ... ప్రభుత్వానికి ఖర్చు తగ్గుతుంది ...