"సర్, ... ఎక్ష్ క్యూజ్ మీ... "
బజార్లో నా దారిన నేను పోతుంటే ఒక కుర్రాడు పిలిచాడు...
"ఏమిటి..." ప్రశ్నించాను నేను....
"ఇక్కడ భోజనానికి హోటల్స్ ఏమైనా ఉన్నాయా దగ్గరలో... నేను ఈ ఊరికి కొత్త"
అనుమానంగా చూసాను... ఎందుకంటె అతను వస్తున్నా దారిలోనే ఒక రెస్టారెంటు ఉన్నట్టు గుర్తు.... అది చూసే వుండవచ్చు అతను... అయినా అడుగుతున్నాడనిపించి అలా చూసానన్న మాట...
మొహం చూస్తె అమాయకంగానే ఉంది...
"మీరు వచ్చిన దారి లో ... ఉంది కదా " చూడలేదా అన్నట్లు అడిగాను...
"అంటే... అది ఫ్యామిలీ రెస్టారెంటు అని రాసి ఉంది కదండీ... మరి నేను బ్యాచిలర్ ను... " సందిగ్ధంగా అడిగాడు...
జోక్ బావుందా....
నవ్వు రాలేదా? సరే!
ఒక సినిమా లో ఇలానే బ్రహ్మానందం ఫ్యామిలీ రెస్టారెంటు అని రాసి ఉంటే వెళతాడు... లోపలికి పోగానే "నాన్న.... చాక లేట్ కొనుక్కుంటా ... డబ్బులియ్యి " అంటూ ఇద్దరు ముగ్గురు పిల్లలు మూగుతారు... ఒకామె వచ్చి "ఏమండీ! ఏమిటి ఇంత లేటు... " అంటూ వేరే దారికి డబ్బులు అడుగుతూ ఉంటూంది... పడక కుర్చీలో ఒక ముసలాయన (సుత్తివేలు) దగ్గుతూ... "ఒరేయ్! మందు లైపోయాయి... తెప్పించు రా..." అంటాడు... ఇలా ఉంటుందీ సీన్...
తరువాత అదే హోటల్ కి మిలటరీ హోటల్ అని బోర్డు ఉంటుంది... బ్రహ్మానందం లోపలికి పోగానే సుత్తి వేలు మిలిటరీ డ్రెస్ వేసుకుని " లెఫ్ట్ రైట్... " అంటూ బ్రహ్మానందం ను నడిపిస్తాడు...
ఏ సినిమాలో సీనో తెలీదు కాని ఈ హోటల్స్ చూస్తున్నప్పుడల్లా ఈ జోక్ గుర్తు వస్తుంటుంది...
ఐడియా బాగుంది కదా!
కామెంట్‌లు లేవు:
కామెంట్‌ను పోస్ట్ చేయండి