బ్లాగ్ మిత్రులకు నమస్కారం...
అసలు ఇప్పుడు బ్లాగ్స్ ఎవరు చూస్తున్నారు .... పేస్ బుక్, ఇంస్టాగ్రామ్ , లింక్డ్ ఇన్, వాట్స్ అప్, టెలిగ్రామ్, యు ట్యూబ్ ... ఇలా ఎన్నో, ఎన్నెన్నో ... అందులోకి స్టాక్ మార్కెట్ గురించి అయితే మరీను ... అందుకే చాల మంది చాల అంటే చాల విజ్ఞానం రక రకాలైన సాంఘిక మాధ్యమాల ద్వారా సంపాదించేస్తున్నారు,. అందుకే నేను కూడా పెద్దగా బ్లాగ్ లోకి రావడం లేదు.. అయితే ఏదైనా కొత్తగా స్ట్రాటజీ తెలుసుకుంటే మాత్రం ఎవరితోనైనా పంచుకొనందే నిద్ర పట్టదు ... ఎవరికైనా చెబితే ఎదో తప్పదన్నట్టు వింటారు కానీ ... సీరియస్ నెస్ ఉండదు. అదే బ్లాగ్ లో అయితే ... డైరీ లో వ్రాస్తున్నట్టు ... నాకు నేనే చెప్పుకున్నట్లు ఉంటుంది ... అది విజయాన్నిచ్చే స్ట్రాటజీ యా కాదా అనేది ప్రాక్టికల్ గా డబ్బు పోగొట్టుకుంటే కానీ తెలియడం లేదు ... ఐతే ఈ మధ్య ఒక రెండు లక్షలు వరకు పోగొట్టుకొని ... ఒక పాతదైన కొత్త స్ట్రాటజీ ని ఇంప్లిమెంట్ చేస్తున్నాను ...
చెప్పానుగా ఇది పాతది ... కానీ కొత్త కొత్త ఇంట్రాడే ల మోజులో పడి ... ఈ పాతదైనా ... లో రిస్క్ స్ట్రాటజీ ని అందరూ వదిలేసారు ...
ఇది పని చేస్తుందా లేదా అని పాత చరిత్ర లో వెదుకుదామంటే దొరకదు సరి అయిన ఇన్ఫర్మేషన్ ... అందుకని నేనే చేస్తున్న ప్రయోగం మరి కాస్త డబ్బును పోగొట్టుకుంటూ ...
అది మరేంటి కాదు ... ప్రతినెలా నెలాఖరు ఆప్షన్స్ ముగింపు తేదీ అయిపోగానే తరువాతి నెలాఖరు ముగింపు తేదీ కి సంబంధించిన కాల్ మరియు ఫుట్ లను నెల మొదటి రోజున అప్పటి స్ట్రైక్ ప్రెస్ ది లేదా స్ట్రైక్ ప్రైస్ కి +300 లేదా +700 లేదా +1000 చేసి కాల్ ; అదే విధంగా సేమ్ స్ట్రైక్ ప్రైస్ లేదా -300 ... -1000 చేసి ఫుట్ కొని నెలాఖరు వరకు ఉంచాలి... ఎక్సపైరి డేట్ కి ఏ ధర ఉన్న కూడా క్లోజ్ చేసేయాలి (అయిపోతుంది )
ఇలా సాధారణంగా మార్కెట్ పైకి లేదా కిందికి భయంకరంగా పోతే కాల్ లేదా ఫుట్ ఒకటి బాగా పెరిగి రెండోది జీరో అయిపోతుంది. అప్పుడు ఖచ్చితంగా లాభం లో ఉంటాం ... ఎటొచ్చి ఒకసారి కిందకి ఒకసారి పైకి ... లేదా ఉన్నచోటనే కొంచెం కోచెమ్ గా కదలికలు ఉంటె నష్టం భరించక తప్పదు.
ఈ స్ట్రాటజీ కి సంబంధించినంతవరకు పేపర్ ట్రేడ్ చేశాను జులై ఆగస్ట్ నెలలకు ... లాభం కనిపించింది ... సెప్టెంబర్ ప్రాక్టికల్ గా చేస్తున్నాను ... చూడాలి ... ఏమవుతుందో ...
నోట్స్ చూసారుగా ... మరి ప్రాక్టికల్ గ పేపర్ ట్రేడింగ్ ఎలా ఉందొ మరోసారి చెబుతాను...
మీ
మురళీ కృష్ణ
