నెలవారీ ఆప్షన్స్ సెల్లింగ్ స్ట్రాటజీ ... బైయింగ్ హెడ్జింగ్ తోనా... లేకుండానా ? (మొదటి భాగం )

అసలీ ఆప్షన్స్ గోల ఏమిటి ? మ్యూచువల్ ఫండ్స్ అన్నారు ... వాటిలో రక రకాలు ఉన్నాయన్నారు ... స్టాక్స్ అన్నారు ... స్టాక్స్ లో ఇన్వెస్టింగ్ మంచిదా ... ట్రేడింగ్ మంచిదా అన్నారు ... తగ్గినప్పుడు యావరేజ్ చేసుకోమన్నారు ... మంత్లీ సిప్ అన్నారు ... తరువాత ETF లు అన్నారు ... గోల్డ్ అన్నారు ... ఆప్షన్స్ అంటున్నారు ... ఫ్యూచర్స్ అంటున్నారు ... బ్యాంక్ నిఫ్టీ, నిఫ్టీ 50, ఫిన్ నిఫ్టీ ... ఇలా ఏవేవో చెప్పినవి చెప్పకుండా ట్రై చేయమంటున్నారు.. ఒకసారి లాభం వస్తే పది సార్లు నష్టం ... పది వేలు లాభం వస్తే లక్షల్లో నష్టం ... 

ఇవన్నీ కాదు గాని ... ఆప్షన్స్ గురించి చెబుతున్నారు కాబట్టి ... ఎక్కువ టైం కేటాయించలేం ... ఎక్కువ డబ్బు పెట్టలేం ... ఎక్కువ టెన్షన్ పడలేం ... బి.పి మెషీన్లు పేలిపోతున్నాయి ... అసలు సామాన్యులకు, నాలాంటి సగటు మనుషులకు .... అర్థమయ్యేలా చెప్పండి బాస్ ... అసలు ఆప్షన్స్ ట్రేడింగ్ మాకు సరిపడుతుందా ? లేదా ? ... 

నా మటుకు నాకు సంపాదించుకున్న దానికన్నా పోగొట్టుకున్నది ఎక్కువ ... ఒక ఆరు నుండి ఎనిమిది లక్షల వరకు పోగొట్టుకుని ఉంటాను.   కానీ అనుభవం కన్నా మంచి గురువు ఎవరుంటారు.. 

అందుకని నా అనుభవాలను పంచుకుంటూ ఉంటాను ఈ బ్లాగ్ ద్వారా ... 

ముందు కింద పొందుపరచిన పంక్తులను గమనించి ... అసలు ఆప్షన్ ట్రేడింగ్ చేయాలో వద్దో మీరే నిర్ణయించుకోండి ... 

1. ఎవడో కంపెనీ పెడతాడు ... దానిని స్టాక్ ఎక్స్ఛేంజ్ లో లిస్ట్ అయ్యేట్టు చేస్తాడు ... తన కంపెనీ లో షేర్ లకు ధర నిర్ణయించి ఐపీవో లో పెడతాడు.   జనాలు కొనుక్కుని హోల్డ్ చేసుకొని డివిడెండ్స్ అనుభవిస్తూ ... తరువాత ఎప్పుడో అమ్మేసుకుంటాడు ... కంపెనీ లాభాలలో ఉంటె ధర పెరుగుతూ ఉంతుంది కనుక ఈ అమ్మేసుకున్నవాడు లాభం పొందుతాడు.  .... ఇక్కడి వరకు బాగానే ఉంది... దీనినే పెట్టుబడి పెట్టడం లాభం పొందడం అంటాం ... ఎప్పుడైతే ఇంటర్నెట్ సౌకర్యం పెరిగి ఆన్లైన్ లో ఇన్వెస్టింగ్, డీమ్యాట్ అకౌంట్ ద్వారా ఇన్వెస్టింగ్ ... వచ్చాయో , బ్రోకర్స్ పెరిగి ఇన్వెస్టింగ్ కాస్త ట్రేడింగ్ గ మారింది ... ఇలా ట్రేడింగ్ లేదా ఇన్వెస్టింగ్ గురించి తెలియని వారు మధ్యవర్తుల ద్వారా స్టాక్స్ కొనాలనుకున్నప్పుడు మ్యూచవల్ ఫండ్స్ వచ్చాయి ... ఇవి అందరికి తెలిసిన విషయాలే కదా .... అంతేనా ... ఇంకా ఇవి చాలవన్నట్లు ఈ. టి. ఎఫ్ లు వచ్చేయి .  ఇలా కాదు గురు ... ఇంకా జనాల డబ్బులు దొబ్బడానికి వచ్చినవే ఈ ఆప్షన్స్ మరియు ఫ్యూచర్సూ... అంటే ఒక్క మాటలో చెప్పాలంటే బెట్టింగ్ ల్లాంటివన్నమాట .... 

2. మరి ఈ బెట్టింగ్ లలో డబ్బులు సంపాదించడాని కై రకరకాల స్ట్రాటజీ లను ఎన్ ఎస్ ఈ ఇండియా వారే  ముద్రించారు.  మనం ఇంతకూ ముందు చదువుకున్న స్ట్రాటజీ లు ఇలాంటివే ... ఎవరో యూ ట్యూబ్స్ లో పెట్టినవే ... 

(సశేషం )